أنت, ضعيف

لية متقولش غصب عنى بحن لها
غصب عنى بحن لايام معاها عشتها
غصب عنى عيونى مش شايفة واحدة غيرها ممكن تروحلها


عيونى اللى شافت بنات قمرات ملكات جمال
بس ينقصهم التاج
وأنا لجنة التحكيم
وشايف انها أجمل من دول كلهم
بعيونى انا شايفها ملكة جمال وتستحق كمان التاج
مزيادة منى
لاء مش مزايدة
هى فعلا اجمل بنوتة شوفتها
بتفاصيلها بنظراتها بكلام عيونها حتى بقوامها
اجمل بنوتة عرفتها

هى عاملة زى لوحة ورسام شاطر رسمها
اتقن كل حاجة فى ملامحها
حتى تفاصيلها وروحها
وضاف لعنوانها اسم نورها

كنت بتقول انى ضعيف
لاء انا مش ضعيف
بالعكس انا اقوى من حبى لها

لانى مانع نفسى اروحلها
ولان عقلى ساجن قلبى فى حبة لها
بس ما انكرش انة نفسة يرجع لها
بس لازم ترجع صورتها الأولى عشان يقدر يرجعلها
وازاى وهى مش قادرة تدافع عن نفسها
وتقول انى غلطت فى حقها
نفسى اكون غلطت فى حقها


عشان عقلى يفك سجن قلبى فى حبة لها
وترجع حبيبتى اللى كنت دايما بقولها مش عايز حاجة غير انى ابقى لها

وبرجع واقولك
انا مش ضعيف
بالعكس انا اقوى واقوى من حبى الكبير لها