عزبة المعداوى
اهلانتين ومرحبتين بك زائرنا الكريم ندعوك للتسجيل معنا
أفضل 10 أعضاء في هذا المنتدى
ثروت الحناوى - 994
 
احمد السيد - 960
 
ابو اسماء - 819
 
طلعت المعداوى - 694
 
المدمر - 200
 
همسة عتاب - 184
 
ابو سلمان - 160
 
فهد2010 - 157
 
زكريا محمد - 156
 
sara - 133
 

المواضيع الأخيرة
» سيرة الشيخ سعيد نصر
الإثنين أكتوبر 28, 2013 4:18 pm من طرف ثروت الحناوى

» الخواجه لامبو
الجمعة ديسمبر 14, 2012 10:42 pm من طرف عمر السيد

» الطموح يـُـنسي الجروح ..‎!
الجمعة ديسمبر 14, 2012 10:38 pm من طرف عمر السيد

» رسائل لن تصلك
الجمعة ديسمبر 14, 2012 10:29 pm من طرف عمر السيد

» مجموعة احـــــاسيس ؟؟؟
الأربعاء سبتمبر 05, 2012 7:10 pm من طرف ابو سلمان

» مع كل وداع ،،
الأربعاء سبتمبر 05, 2012 7:08 pm من طرف ابو سلمان

» لا تدفن قلبك بمشاغل الحياة
الثلاثاء سبتمبر 04, 2012 5:17 pm من طرف ابو سلمان

» لا حياه بدون حنان
الثلاثاء سبتمبر 04, 2012 4:30 pm من طرف ابو سلمان

»  أمرأة من دُخان / نزار قباني /
الإثنين مايو 14, 2012 10:58 am من طرف نور هانم

» رسالتي لمن احببت يوما
الإثنين مايو 14, 2012 10:56 am من طرف نور هانم

» قصيدة (الاحزان العاديه) المبدع عبد الرحمن الابنودى
الإثنين مايو 14, 2012 10:54 am من طرف نور هانم

» الثوم.. من الحلول العبقرية لكافة مشاكل البشرة
الثلاثاء أبريل 03, 2012 11:32 am من طرف ابو سلمان

» حرمان المحبة
الثلاثاء أبريل 03, 2012 11:29 am من طرف ابو سلمان

» ما الالتهاب الكيميائى.. وهل يؤثر على الظهر؟
الأحد مارس 18, 2012 12:44 pm من طرف ابو سلمان

» كيف تحدث غيبوبة السكر
الأحد مارس 18, 2012 12:42 pm من طرف ابو سلمان

» نفووس من زجاج
الخميس مارس 15, 2012 8:18 pm من طرف همسة عتاب

» سفن ميناؤها قلبي
الخميس مارس 15, 2012 8:17 pm من طرف همسة عتاب

» جمال الروح لغة لا بد من تعلمها °°
الخميس مارس 15, 2012 8:13 pm من طرف محمد جمال

» جلال عامر
الخميس مارس 15, 2012 8:11 pm من طرف محمد جمال

» دراسة أمريكية تكشف استراتيجيات تدريبية جديدة لتقوية الذاكرة
الأحد مارس 11, 2012 3:55 pm من طرف ابو سلمان

احصائيات
هذا المنتدى يتوفر على 98 عُضو.
آخر عُضو مُسجل هو محمد فمرحباً به.

أعضاؤنا قدموا 5123 مساهمة في هذا المنتدى في 1779 موضوع
أفضل 10 أعضاء في هذا الشهر

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 15 بتاريخ الأحد يناير 13, 2013 10:41 pm

قصيدة (الاحزان العاديه) المبدع عبد الرحمن الابنودى

استعرض الموضوع السابق استعرض الموضوع التالي اذهب الى الأسفل

قصيدة (الاحزان العاديه) المبدع عبد الرحمن الابنودى

مُساهمة من طرف احمد السيد في الإثنين أكتوبر 24, 2011 4:46 pm

وفجأة
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم
قلب الميدان وعدل
وكأنه دن نحاس مصهور
انا عندى فكرة عن المدن
اللى يكرهها النور
والقبر اللى يبات مش مسرور
وعندى فكرة عن العار
وميلاد النار
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح
ولسه فى صوتى هديل الينابيع
لسه فى قلبى صهيل المصباح
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع
كان القمر غافل ..مجاش
والنجم كان حافل
لا بطل الرقصه ولا الارتعاش

لما بلغنى الخبر
اتزحم الباب
وجونى الاحباب
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب
ما اجمل نومه على كتوف اصحابك
تنظر صادقك من كدابك
تبحث عن صاحب انبل وش
فى الزمن الغش

والرؤيه قصادى اتسعت
بصيت واحسب نفسى بين خلان
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والكواكب ومذله الرغيف

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا "فسه"
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع

اما انا
فاتسعت الرؤيا
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت
ومش منظور لى جواب
متحصن بكتوف الاصحاب
ولذلك فت

عند التربه
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق
فى قماشى الابيض
من جوف القبر
التقدم ضابط واتعرض
قبض على الجثه
وطلب الاوراق
مزع الاكفان
عدل الوش
ووقف وركلنى
وقالى بلؤم شديد
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب
اظنك حتقولى تانى الشعب
وصفعنى وتنى على بطنى بالكعب
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث
ضل جدودك فى الجدران مغروس
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل
وآخر الليل جانى بدم صحابى فى الاكل

استأذنت ارتب اقوالى
قفل الباب
واتفتح الباب
وخلاص

يا عم الضابط انت كداب
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب
والضرب ببوز الجزمه وبسن الكعب
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون
اللى تاريخى مركون
وانت قلاوون وابن طولون ونابليون
الزنزانه دى مبنيه قبل الكون
قبل الظلم ما يكسب جولات اللون

يا عم الضابط
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى
ما خدمك الا من سجنك

__________________________________________










لا تتركيهم يخبروكى بأننى متمردا .. خان الامانه او سهى ..
لا تتركيهم يخبروكى .. بأننى اصبحت شيئا تافها وموجها ..
فأنا ابن بطنك .. وابن بطنك ..
من أراد ومن أقال ومن أقر ومن نها

avatar
احمد السيد
مشرف عام
مشرف عام

عدد المساهمات : 960
العمر : 29
تاريخ الميلاد : 21/05/1988
تاريخ التسجيل : 22/09/2010
الموقع الموقع : عااااااااااادى
المزاج المزاج : هااااااادى

الرجوع الى أعلى الصفحة اذهب الى الأسفل

رد: قصيدة (الاحزان العاديه) المبدع عبد الرحمن الابنودى

مُساهمة من طرف نور هانم في الإثنين أكتوبر 24, 2011 4:48 pm

الخال الابنودى دائما مبدع







رائعه جداااااااااااااااا
avatar
نور هانم
عضو فعااااااااااااااااااااااااااااال
عضو فعااااااااااااااااااااااااااااال

عدد المساهمات : 132
تاريخ التسجيل : 20/12/2010
الموقع الموقع : عام
المزاج المزاج : عال

الرجوع الى أعلى الصفحة اذهب الى الأسفل

رد: قصيدة (الاحزان العاديه) المبدع عبد الرحمن الابنودى

مُساهمة من طرف ابو سلمان في الإثنين أكتوبر 24, 2011 4:50 pm

الله علي يا ابنودى توقعك لالاحداث هايل



الابنودى كتب هذه القصيدة من اكتر من عشرين سنة وتوقع فيها احداث الثورة

فعلا انت مبدع

__________________________________________
ابو سلمان
avatar
ابو سلمان
عضو فعااااااااااااااااااااااااااااال
عضو فعااااااااااااااااااااااااااااال

عدد المساهمات : 160
تاريخ التسجيل : 29/09/2010
الموقع الموقع : عزبة المعداوى
المزاج المزاج : عاااااااااال

الرجوع الى أعلى الصفحة اذهب الى الأسفل

رد: قصيدة (الاحزان العاديه) المبدع عبد الرحمن الابنودى

مُساهمة من طرف همسة عتاب في الإثنين أكتوبر 24, 2011 4:52 pm

قمة الروعه

متميزة جدااااااااااااااا

سلمت يداك

__________________________________________
__________________
avatar
همسة عتاب
مشرف متميز
مشرف متميز

عدد المساهمات : 184
تاريخ التسجيل : 20/12/2010
الموقع الموقع : العزبة
المزاج المزاج : تمام

الرجوع الى أعلى الصفحة اذهب الى الأسفل

رد: قصيدة (الاحزان العاديه) المبدع عبد الرحمن الابنودى

مُساهمة من طرف محمد جمال في الإثنين أكتوبر 24, 2011 4:53 pm

روعه روعه




محمد جمال
عضو فعااااااااااااااااااااااااااااال
عضو فعااااااااااااااااااااااااااااال

عدد المساهمات : 47
العمر : 25
تاريخ الميلاد : 11/10/1991
تاريخ التسجيل : 03/04/2011
الموقع الموقع : العزبه
العمل/الترفيه : لاعب كوره محترف
المزاج المزاج : عااااااااااااااااال

الرجوع الى أعلى الصفحة اذهب الى الأسفل

رد: قصيدة (الاحزان العاديه) المبدع عبد الرحمن الابنودى

مُساهمة من طرف ابو اسماء في الإثنين أكتوبر 24, 2011 5:26 pm

الخال الخالالابداع


تسلم يا ابوحميد

__________________________________________
avatar
ابو اسماء
نائب رئيس مجلس الادارة
نائب رئيس مجلس الادارة

عدد المساهمات : 819
تاريخ التسجيل : 04/09/2010
الموقع الموقع : عزبة المعداوى
العمل/الترفيه : نائب رئيس مجلس الادارة

الرجوع الى أعلى الصفحة اذهب الى الأسفل

رد: قصيدة (الاحزان العاديه) المبدع عبد الرحمن الابنودى

مُساهمة من طرف نور هانم في الإثنين مايو 14, 2012 10:54 am

بلدى بربيع وصباح
ولسه فى صوتى هديل الينابيع
لسه فى قلبى صهيل المصباح
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع
avatar
نور هانم
عضو فعااااااااااااااااااااااااااااال
عضو فعااااااااااااااااااااااااااااال

عدد المساهمات : 132
تاريخ التسجيل : 20/12/2010
الموقع الموقع : عام
المزاج المزاج : عال

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى